മണ്ണാർക്കാടിന്റെ വ്യാപാര സമൂഹത്തെ
ഡിജിറ്റൽ ഭാവിയിലേക്ക് നയിക്കുന്നു

പാലക്കാട് ജില്ലയിലെ ഏറ്റവും വലിയ യൂണിറ്റായ മണ്ണാർക്കാട് യൂണിറ്റ് ജില്ലാ കമ്മറ്റിയുടെ അഭിമാനമാണ്. പല സംഘടന പ്രവർത്തനങ്ങളും മറ്റു യൂണിറ്റുകൾ മാതൃകയാക്കുന്നത് ഈ യൂണിറ്റിൽ നിന്നാണ്. ഏകോപന സമിതിക്കും യൂത്ത് വിംഗിനും വനിതാ വിംഗിനും മികച്ച നേതൃത്വമാണ് നിലവിലുള്ളത്. മണ്ഡലം - ജില്ലാ - സംസ്ഥാന കമ്മറ്റികൾക്ക് ശക്തരായ നേതാക്കളെ സംഭാവന ചെയ്ത ഒരു യൂണിറ്റുകൂടിയാണ് മണ്ണാർക്കാട്. തുടർന്നുള്ള പ്രവർത്തനങ്ങളിലും വ്യാപാരികൾക്ക് ഉപകാരപ്രദമായ രീതിയിൽ പ്രവർത്തനങ്ങളുമായി മുന്നോട്ടു പോകാൻ സാധിക്കട്ടെ എന്ന് ആശംസിക്കുന്നു.

കേരളത്തിലെ വ്യാപാരികളുടെ ഏറ്റവും വലിയ സംഘടനയാണ് കേരള വ്യാപാരി വ്യവസായി ഏകോപന സമിതി... ജാതിമത രാഷ്ട്രീയ ചിന്താഗതികൾക്ക് അതീതമായി പ്രവർത്തിക്കുന്ന ഈ സംഘടനയുടെ പ്രധാന ലക്ഷ്യം കേരളത്തിലെ വ്യാപാരി വ്യവസായികളുടെ പ്രശ്നങ്ങളിൽ ഇടപെട്ടു പരിഹരിക്കുക എന്നതും അവരുടെ ക്ഷേമത്തിനായി പ്രവർത്തിക്കുക എന്നതുമാണ്. പാലക്കാട് ജില്ലയിലെ ഏറ്റവും വലിയ അംഗസഖ്യയുള്ള .യൂണിറ്റും മണ്ണാർക്കാട് യൂണിറ്റാണ്. വ്യാപാരികളുടെ നിരവധി പ്രശ്നങ്ങളിൽ കൃത്യമായി ഇടപെട്ടുകൊണ്ട്, ഒരു മാലയിലെ മുത്തുമണികളെപ്പോലെ അവരെചേർത്തു നിർത്താൻ മണ്ണാർക്കാട് യൂണിറ്റിന് കഴിയുന്നു എന്നത് പ്രശംസനീയമാണ്. ഏകോപന സമിതി മണ്ണാർക്കാട് യൂണിറ്റുമായി സഹകരിക്കുന്ന ഏവർക്കും സംഘടനയുടെ നന്ദിയും കടപ്പാടും അറിയിക്കുന്നു. ഇനിയും സമൂഹത്തിന്റേയും, വ്യാപാരികളുടെയും ക്ഷേമ പ്രവർത്തനങ്ങളുമായി ഒറ്റ കെട്ടായി നമുക്ക് മുന്നേറാം..... സ്നേഹപൂർവ്വം...

ബഹുമാനപ്പെട്ട വ്യാപാര സമിതി ഭാരവാഹികളേ, അംഗങ്ങളേ, ​നമ്മുടെ വ്യാപാര മേഖലയുടെ അഭിവൃദ്ധിക്കും വ്യാപാരികളുടെ ക്ഷേമത്തിനുമായി ഒത്തൊരുമയോടെ പ്രവർത്തിക്കുന്ന ഒരു മികച്ച സമിതിയുടെ ഭാഗമാകാൻ കഴിഞ്ഞതിൽ ഏറെ സന്തോഷമുണ്ട്. ഒരു സംഘടനയുടെ സുഗമമായ പ്രവർത്തനത്തിന്റെ ആണിക്കല്ല് എന്നത് അതിന്റെ സാമ്പത്തിക സുതാര്യതയും കൃത്യതയുമാണ്. ​നമ്മുടെ യൂണിറ്റിലെ സാമ്പത്തിക കാര്യങ്ങൾ പൂർണ്ണമായും സുതാര്യവും നിയമാനുസൃതവുമായി മുന്നോട്ട് കൊണ്ടുപോകാൻ ഞങ്ങൾ പ്രതിജ്ഞാബദ്ധരാണ്. കൃത്യമായ ഓഡിറ്റിംഗും കണക്കുകളും ഉറപ്പുവരുത്തുക എന്നത് നമ്മുടെ യൂണിറ്റിന്റെ പ്രധാന ലക്ഷ്യങ്ങളിലൊന്നാണ്. ​നമ്മുടെ വ്യാപാര സമൂഹത്തിന്റെ വളർച്ചയ്ക്കായി നടപ്പിലാക്കുന്ന എല്ലാ പദ്ധതികൾക്കും,കൃത്യമായ വിനിയോഗം ഞങ്ങൾ ഉറപ്പുനൽകുന്നു. സമിതിയുടെ സാമ്പത്തിക സ്രോതസ്സുകൾ കൂടുതൽ ശക്തിപ്പെടുത്തുന്നതിനും, സുസ്ഥിരമായ ഒരു പ്രവർത്തന ശൈലി കെട്ടിപ്പടുക്കുന്നതിനും എല്ലാ അംഗങ്ങളുടെയും ഭരണസമിതിയുടെയും പൂർണ്ണമായ പിന്തുണയും സഹകരണവും പ്രതീക്ഷിക്കുന്നു. ​നമുക്ക് ഒരുമിച്ച്, കൂടുതൽ കരുത്തോടെ മുന്നേറാം.